Gülərüzlülük haqqında hədislər

Gülərüzlülük

1.Allahın Peyğəmbəri (s):«Gülərüzlülük kini təmizləyir.» (əl-Kafi, c.2, səh.103, hədis 6)

2.Allahın Peyğəmbəri (s):«Qardaşınla gülərüz görüş.» (əl-Kafi, c.2, səh.103, hədis3)

3.Allahın Peyğəmbəri (s):«Siz heç vaxt insanların hamısına öz malınızla fayda verə bilməzsiniz. Buna görə də onlarla (heç olmasa) açıq və gülər üzlə görüşün.» (əl-Kafi, c.2, səh.103, hədis1)

4.İmam Əli (ə):«Gülərüzlülük dostluq kəməndidir.» (Biharul-Ənvar, c.69, səh.409, hədis 12)

5.İmam Əli (ə):«Gülərüzlülük azad insanın xislətidir.» (Ğurərul-Hikəm, hədis 656)

6.İmam Əli (ə):«Gülərüzlülük məhəbbət kəndiridir.» (Ğurərul-Hikəm, hədis 5546)

7.İmam Əli (ə):«Möminin sevinci üzündə, qüdrəti dinində, kədəri qəlbindədir.» (Ğurərul-Hikəm, hədis 3454)

8.İmam Əli (ə):«Gülərüzlülüyün sənin alicənablığın və nəfsinin kəramətinin nişanəsidir.» (Ğurərul-Hikəm, hədis 4453)

9.İmam Əli (ə):«Qardaşlarınızla görüşən zaman bir-birinizə əl verin, onlara gülərüzlülük və təbəssüm göstərin ki, ayrılarkən günahlarınız tökülsün.» (Biharul-Ənvar, c.76, səh.20, hədis 3)

10.İmam Əli (ə):«İnsanların, dostlarının ürəklərini ələ almaları və düşmənlərinin qəlbindən kinləri təmizləmək üçün ən yaxşı vasitə onlarla qarşılaşanda gülərüzlü olmaları, yanlarında olmayanda halları ilə maraqlanmaları və yanlarında olanda təbəssüm etmələridir.» (Biharul-Ənvar, c.78, səh.57, hədis 124)